اس نے کوئی تو دم پڑھا ہوا ہے

اس نے کوئی تو دم پڑھا ہوا ہے

جس نے دیکھا وہ مبتلا ہوا ہے

اب ترے راستے سے بچ نکلوں

اک یہی راستہ بچا ہوا ہے

آؤ تقریب رو نمائی کریں

پاؤں میں ایک آبلہ ہوا ہے

پھر وہی بحث چھیڑ دیتے ہو

اتنی مشکل سے رابطہ ہوا ہے

رات کی واردات مت پوچھو

واقعی ایک واقعہ ہوا ہے

لگ رہا ہے یہ نرم لہجے سے

پھر تجھے کوئی مسئلہ ہوا ہے

میں کہاں اور وہ فصیل کہاں

فاصلے کا ہی فیصلہ ہوا ہے

اتنا مصروف ہو گیا ہوں کہ بس

میرؔ بھی اک طرف پڑا ہوا ہے

آج کچھ بھی نہیں ہوا جوادؔ

ہاں مگر ایک سانحہ ہوا ہے

(1044) ووٹ وصول ہوئے

Your Thoughts and Comments

Usne Koi To Dam PaDha Hua Hai In Urdu By Famous Poet Javvad Shaikh. Usne Koi To Dam PaDha Hua Hai is written by Javvad Shaikh. Enjoy reading Usne Koi To Dam PaDha Hua Hai Poem on Inspiration for Students, Youth, Girls and Boys by Javvad Shaikh. Free Dowlonad Usne Koi To Dam PaDha Hua Hai by Javvad Shaikh in PDF.