Dil Ke ZaKHm Jalte Hain Dil Ke ZaKHm Jalne Do
dil ke zaKHm jalte hain dil ke zaKHm jalne do
hum ko Thokaren kha kar aap hi sambhalne do
raushni fasilon ko toD kar bhi aaegi
raat ki syahi ko karwaTen badalne do
saeban ki KHwahish mein ek safar hun sahra ka
jism-o-jaan pighalte hain jism-o-jaan pighalne do
pattharon ki choTon se aaino na ghabrao
hadson ke aangan mein zindagi ko palne do
gham ki dhup mein jal kar rah gai har ek chhanw
hum ko apni chahat ke sae sae chalne do
Jazib Quraishi 
(763) Peoples Rate This