جو لوگ اجالے کو اجالا نہیں کہتے

جو لوگ اجالے کو اجالا نہیں کہتے

ہم ان کو برا کہتے ہیں اچھا نہیں کہتے

جو جوڑ نہ دے ٹوٹے ہوئے تار دلوں کے

ہم اس کو محبت کا ترانا نہیں کہتے

جینا اسے کہتے ہیں جو ہو اوروں کی خاطر

اپنے لیے جینے کو تو جینا نہیں کہتے

انساں کے دل و ذہن منور نہ ہوں جس سے

ہم ایسے اجالے کو اجالا نہیں کہتے

حیرت میں کبھی جلوے کو ہم کہتے ہیں پردہ

پردے کو کبھی شوق میں پروا نہیں کہتے

تم سامنے ہو اور تمہیں دیکھ نہ پائیں

ہم ایسے نظارے کو نظارا نہیں کہتے

ہم تم سا حسیں کیسے کہیں شمس و قمر کو

ہر حسن کو تو حسن سراپا نہیں کہتے

دل رکھنے کو منہ سے یوں ہی کہہ دیتے ہیں اچھا

دل سے تو جگرؔ وہ ہمیں اچھا نہیں کہتے

(792) ووٹ وصول ہوئے

Your Thoughts and Comments

Jo Log Ujale Ko Ujala Nahin Kahte In Urdu By Famous Poet Jigar Jalandhari. Jo Log Ujale Ko Ujala Nahin Kahte is written by Jigar Jalandhari. Enjoy reading Jo Log Ujale Ko Ujala Nahin Kahte Poem on Inspiration for Students, Youth, Girls and Boys by Jigar Jalandhari. Free Dowlonad Jo Log Ujale Ko Ujala Nahin Kahte by Jigar Jalandhari in PDF.