پھر سر کسی کے در پہ جھکائے ہوئے ہیں ہم
پھر سر کسی کے در پہ جھکائے ہوئے ہیں ہم
پردے پھر آسماں کے اٹھائے ہوئے ہیں ہم
چھائی ہوئی ہے عشق کی پھر دل پہ بے خودی
پھر زندگی کو ہوش میں لائے ہوئے ہیں ہم
جس کا ہر ایک جزو ہے اکسیر زندگی
پھر خاک میں وہ جنس ملائے ہوئے ہیں ہم
ہاں کون پوچھتا ہے خوشی کا نہفتہ راز
پھر غم کا بار دل پہ اٹھائے ہوئے ہیں ہم
ہاں کون درس عشق جنوں کا ہے خواست گار
آئے کہ ہر سبق کو بھلائے ہوئے ہیں ہم
آئے جسے ہو جادۂ رفعت کی آرزو
پھر سر کسی کے در پہ جھکائے ہوئے ہیں ہم
بیعت کو آئے جس کو ہو تحقیق کا خیال
کون و مکاں کے راز کو پائے ہوئے ہیں ہم
ہستی کے دام سخت سے اکتا گیا ہے کون
کہہ دو کہ پھر گرفت میں آئے ہوئے ہیں ہم
ہاں کس کے پائے دل میں ہے زنجیر آب و گل
کہہ دو کہ دام زلف میں آئے ہوئے ہیں ہم
ہاں کس کو جستجو ہے نسیم فراغ کی
آسودگی کو آگ لگائے ہوئے ہیں ہم
ہاں کس کو سیر ارض و سما کا ہے اشتیاق
دھونی پھر اس گلی میں رمائے ہوئے ہیں ہم
جس پر نثار کون و مکاں کی حقیقتیں
پھر جوشؔ اس فریب میں آئے ہوئے ہیں ہم
(1495) ووٹ وصول ہوئے
Phir Sar Kisi Ke Dar Pe Jhukae Hue Hain Hum In Urdu By Famous Poet Josh Malihabadi. Phir Sar Kisi Ke Dar Pe Jhukae Hue Hain Hum is written by Josh Malihabadi. Enjoy reading Phir Sar Kisi Ke Dar Pe Jhukae Hue Hain Hum Poem on Inspiration for Students, Youth, Girls and Boys by Josh Malihabadi. Free Dowlonad Phir Sar Kisi Ke Dar Pe Jhukae Hue Hain Hum by Josh Malihabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends