صیاد دام زلف سے مجھ کو رہا کرے

صیاد دام زلف سے مجھ کو رہا کرے

وہ دن تمام عمر نہ آئے خدا کرے

لے دے کے رہ گیا ہے یہی ایک آسرا

ایسا کبھی نہ ہو کہ وہ ترک وفا کرے

مجھ بے نوا کے ناز اٹھائے وہ نازنیں

سلطان اور کاوش قرب گدا کرے

دامان بوئے کاکل شب رنگ چھوڑ دے

یا رب کبھی یہ ظلم نہ باد صبا کرے

جس کے مرض پہ صحت عالم نثار ہو

کس طرح وہ مریض دعائے شفا کرے

بت جس پہ ملتفت ہو بہ حد سپردگی

زندیق ہے اگر وہ خدا سے دعا کرے

عمر دراز و پختگی فکر نکتہ سنج

کہتی ہے خام کام مجھے ہاں کہا کرے

اس روئے دل نشیں پہ نگاہیں جمی رہیں

فریاد کر رہی ہے بصیرت کہ کیا کرے

اب دام حسن و عشق سے نکلوں نہ تا بہ مرگ

گھر جل رہا ہے عقل رسا کا جلا کرے

حکمت نمک حرام ہوں بے شک ترا مگر

جس پر پڑے یہ وقت وہ بچارا کیا کرے

یا رب حصار نجد سے اب اٹھ سکے نہ جوشؔ

یونان دے رہا ہے دہائی دیا کرے

(811) ووٹ وصول ہوئے

Your Thoughts and Comments

Sayyaad Dam-e-zulf Se Mujhko Riha Kare In Urdu By Famous Poet Josh Malihabadi. Sayyaad Dam-e-zulf Se Mujhko Riha Kare is written by Josh Malihabadi. Enjoy reading Sayyaad Dam-e-zulf Se Mujhko Riha Kare Poem on Inspiration for Students, Youth, Girls and Boys by Josh Malihabadi. Free Dowlonad Sayyaad Dam-e-zulf Se Mujhko Riha Kare by Josh Malihabadi in PDF.