شش جہت آپ کو آئیں گے نظر دو بٹا تین

شش جہت آپ کو آئیں گے نظر دو بٹا تین

چھ بٹا نو کے برابر ہے اگر دو بٹا تین

دو کھلونے جو کبھی ہم نے تپائی پہ دھرے

آ گئے صاف مہندس کو نظر دو بٹا تین

طالب خیر نہ ہوں گے کبھی انسان سے ہم

نام اس کا ہے بشر اس میں ہے شر دو بٹا تین

منحصر قوت بازو پہ ہے دولت مندی

دیکھ لو زور میں موجود ہے زر دو بٹا تین

ملک الموت سے دنیا میں ہراساں نہیں کون

جس کو کہتے ہیں نڈر اس میں ہے ڈر دو بٹا تین

بیسویں رات مہینے کی جب آ جاتی ہے

غم میں رہ جاتا ہے گھل گھل کے قمر دو بٹا تین

ظالمو خوف کرو آہ کو سمجھو نہ حقیر

لفظ اللہ میں ہے اس کا اثر دو بٹا تین

کھوٹی منزل کئے دیتی ہے تری یاد ندیم

راہ رو کا ابھی باقی ہے سفر دو بٹا تین

دو بٹا تین کی رکھی ہے جو اے جوشؔ ردیف

شعر بھی نکلے ہیں مقبول نظر دو بٹا تین

(1546) ووٹ وصول ہوئے

Your Thoughts and Comments

Shash-jihat Aapko Aaenge Nazar Do-baTa-tin In Urdu By Famous Poet Josh Malsiani. Shash-jihat Aapko Aaenge Nazar Do-baTa-tin is written by Josh Malsiani. Enjoy reading Shash-jihat Aapko Aaenge Nazar Do-baTa-tin Poem on Inspiration for Students, Youth, Girls and Boys by Josh Malsiani. Free Dowlonad Shash-jihat Aapko Aaenge Nazar Do-baTa-tin by Josh Malsiani in PDF.