تجھ سے ظالم کو اپنا یار کیا

تجھ سے ظالم کو اپنا یار کیا

ہم نے کیا جبر اختیار کیا

مثل سیماب بے قرار رہے

ایک جا ہم نے کب قرار کیا

آنکھیں پتھرا گئیں اے سنگیں دل

یاں تلک تیرا انتظار کیا

تو جو کہتا ہے جلد آؤں گا

میں نے کیا تیرا اعتبار کیا

جیب تو کیا ہے ناصحو ہم نے

چاک سینے کو غنچہ وار کیا

نظر آئے قیاس سے باہر

دل کے زخموں کو جب شمار کیا

آتش عشق نے بہ رنگ سپند

دانۂ دل کو بے قرار کیا

تو وفا سے نہ در گزر ؔجوشش

اس نے گو جور اختیار کیا

(852) ووٹ وصول ہوئے

Your Thoughts and Comments

Tujhse Zalim Ko Apna Yar Kiya In Urdu By Famous Poet Joshish Azimabadi. Tujhse Zalim Ko Apna Yar Kiya is written by Joshish Azimabadi. Enjoy reading Tujhse Zalim Ko Apna Yar Kiya Poem on Inspiration for Students, Youth, Girls and Boys by Joshish Azimabadi. Free Dowlonad Tujhse Zalim Ko Apna Yar Kiya by Joshish Azimabadi in PDF.