Ki Ehtiyat Dal Ne Bahut Par Kaha Gaya

ki ehtiyat dal ne bahut par kaha gaya

chhoDi jo un ki rah to dar dar kaha gaya

saqi ne mere nam pe saghar paTak diya

tishna-labi ko mera muqaddar kaha gaya

har chashm-e-iltifat ke husn-e-nigah ko

aaina-e-KHulus ka jauhar kaha gaya

ehsas-e-husn-e-zarf se milti hai aabru

pani ki ek bund ko gauhar kaha gaya

ai subh ki kiran ye KHayalat-e-zindagi

wo baat kaun thi jise ghar ghar kaha gaya

parwaziyon ki sharh nazar tak na kar saki

lekin KHayal-e-tair-e-be-par kaha gaya

nairangiyon ki baat hai ai aariz-e-jamal

shoala dahak uTha to gul-e-tar kaha gaya

'jumbish' sakun-nawaz-mizaji ko chhoDiye

KHamoshi-e-hayat ko akasr kaha gaya

(588) Peoples Rate This

Your Thoughts and Comments

Ki Ehtiyat Dal Ne Bahut Par Kaha Gaya In English By Famous Poet Jumbish Khairabadi. Ki Ehtiyat Dal Ne Bahut Par Kaha Gaya is written by Jumbish Khairabadi. Read famous Poem Ki Ehtiyat Dal Ne Bahut Par Kaha Gaya for youth and Student by Jumbish Khairabadi. Free Download Ki Ehtiyat Dal Ne Bahut Par Kaha Gaya in PDF.