ہم نے تو بین میں نوحے میں اداکاری کی

ہم نے تو بین میں نوحے میں صداکاری کی

آج دفنا دی ہے میت بھی روا داری کی

ہم سے بد تر کوئی فن کار جہاں میں ہوگا

ہم ادا کاریاں کرتے ہیں اداکاری کی

ہم نے غیرت کا بغاوت کا الاپا دیپک

تان اونچی ہے مگر آج بھی درباری کی

ہم کو سائے سے بھی شاہوں کے بچا کر رکھنا

ہم پہ آ جائے نہ تہمت بھی طرف داری کی

وہ نہ مانیں گے کہ یہ عین خطا ہے ان کی

وہ جو یاری کو بھی کہتے ہیں کہ عیاری کی

ہم تو انجان تھے اس گھر میں ہمارا کیا تھا

تم تو تمثال تھے دنیا میں سمجھ داری کی

جن سے اٹھتی تھیں سیہ آگ کی لپٹیں ہر دم

ہم نے ایسی بھی زمینوں میں شجرکاری کی

تم کو سوتے میں بھی کب آنکھ اٹھا کر دیکھا

ہم نے خوابوں میں بھی آنکھوں کی نگہ داری کی

(992) ووٹ وصول ہوئے

Your Thoughts and Comments

Humne To Bain Mein Nauhe Mein Adakari Ki In Urdu By Famous Poet Junaid Akhtar. Humne To Bain Mein Nauhe Mein Adakari Ki is written by Junaid Akhtar. Enjoy reading Humne To Bain Mein Nauhe Mein Adakari Ki Poem on Inspiration for Students, Youth, Girls and Boys by Junaid Akhtar. Free Dowlonad Humne To Bain Mein Nauhe Mein Adakari Ki by Junaid Akhtar in PDF.