Itna Batla Mujhe Harjai Hun Main Yar Ki Tu
itna batla mujhe harjai hun main yar ki tu
main har ek shaKHs se rakhta hun sarokar ki tu
kam-sabaati meri har dam hai muKHatib ba-habab
dekhen to pahle hum us bahr se hon par ki tu
na-tawani meri gulshan mein ye hi bahse hai
dekhen ai nikhat-e-gul hum hain subuk-bar ki tu
dosti kar ke jo dushman hua tu 'jurat' ka
bewafa wo hai phir ai shoKH sitamgar ki tu
Jurat Qalandar Bakhsh 
(1238) Peoples Rate This