Jis Ke Talib Hain Wo Matlub Kahin BaiTh Raha

jis ke talib hain wo matlub kahin baiTh raha

muntazir hum ko biTha KHub kahin baiTh raha

bas ki likkhi thi main haalat dil-e-gum-gashta ki

kho ke qasid mera maktub kahin baiTh raha

dekhen kya aankh uTha kar ki hamein to nahaq

aankh dikhla ke wo mahbub kahin baiTh raha

sham se jaise nihan mahr ho so wasl ki raat

munh chhupa kar wo is uslub kahin baiTh raha

hai meri KHana-nashini se ye ghar ghar mazkur

KHail-e-ushshaq ka sarkub kahin baiTh raha

jaana main us ka na aana ki samajh kar wo shoKH

baiThne ko mere mayub kahin baiTh raha

bud-o-bash apni kahen kya ki ab us bin yun hai

jis tarah se koi majzub kahin baiTh raha

awwal-e-ishq mein surat ye bani 'jurat' ki

ho ke aaKHir ko wo mahjub kahin baiTh raha

(507) Peoples Rate This

Your Thoughts and Comments

Jis Ke Talib Hain Wo Matlub Kahin BaiTh Raha In English By Famous Poet Jurat Qalandar Bakhsh. Jis Ke Talib Hain Wo Matlub Kahin BaiTh Raha is written by Jurat Qalandar Bakhsh. Read famous Poem Jis Ke Talib Hain Wo Matlub Kahin BaiTh Raha for youth and Student by Jurat Qalandar Bakhsh. Free Download Jis Ke Talib Hain Wo Matlub Kahin BaiTh Raha in PDF.