Kal Jo Rone Par Mere Tuk Dhyan Us Ka PaD Gaya

kal jo rone par mere Tuk dhyan us ka paD gaya

hans ke yun kahne laga kuchh aankh mein kya paD gaya?

baiThe baiThe aap se kar baiThta hun kuchh gunah

panw paDne ka jo us ke mujh ko chaska paD gaya

jang-jui kya kahun us ki ki kal-parson mein aah

sulh Tuk hone na pai thi ki jhagDa paD gaya

sozish-e-dil kuchh na puchho tum ki Tuk sine pe raat

hath rakhte hi hatheli mein phaphula paD gaya

bas ki tha be-baal-o-par main daman-e-sayyaad par

KHun bhi uD kar dam-e-bismil na mera paD gaya

jo mere bad-go hain tum un ko samajhte ho bhala

wah-wa mujh se tumhein ye bair achchha paD gaya

kyun paDa dam toDta hai bistar-e-gham par dila

aah kis be-dard ke milne mein toDa paD gaya

behtari ka munh na dekha mar hi kar pai najat

kuDhte kuDhte dil mera bimar aisa paD gaya

baaten karte karte pyare dil dhaDakne kyun laga

sun ke kuchh aahaT kaho kya dil mein khaTka paD gaya

ruk gaya aisa hi wo jo phir na aaya kal jo Tuk

hath us ke panw par bhule se mera paD gaya

main to yan is baat par apne paDa malta hun hath

aur sare shahr mein kuchh aur charcha paD gaya

garche hun main nam ko 'jurat' par ab us ki taraf

aankh uTha sakta nahin ye dil mein KHatra paD gaya

(579) Peoples Rate This

Your Thoughts and Comments

Kal Jo Rone Par Mere Tuk Dhyan Us Ka PaD Gaya In English By Famous Poet Jurat Qalandar Bakhsh. Kal Jo Rone Par Mere Tuk Dhyan Us Ka PaD Gaya is written by Jurat Qalandar Bakhsh. Read famous Poem Kal Jo Rone Par Mere Tuk Dhyan Us Ka PaD Gaya for youth and Student by Jurat Qalandar Bakhsh. Free Download Kal Jo Rone Par Mere Tuk Dhyan Us Ka PaD Gaya in PDF.