Kaun Dekhega Bhala IsMein Hai Ruswai Kya

kaun dekhega bhala is mein hai ruswai kya

KHwab mein aane ki bhi tum ne qasam khai kya

us ka ghar chhoD ke hum to na kisi dar pe gae

par samajhta hai use wo but-e-harjai kya

sunte hi jis ke hui jaan hawa tan se mere

is gali se ye KHabar baad-e-saba lai kya

wah main aur na aane ko kahunga tauba

main to hairan hun ye baat aap ne farmai kya

bah chala chashm se yakbar jo ek dariya sa

baiThe baiThe mujhe kya jaane ye lahr aai kya

harf-e-matlab ko mere sun ke ba-sad-naz kaha

hum samajhte nahin bakta hai to saudai kya

shaiKH-ji hum to hain nadan par use aane do

hum bhi puchhenge hui aap ki danai kya

kaifiyat mahfil-e-KHuban ki na us bin puchho

us ko dekhun na to phir de mujhe dikhlai kya

aaj dam apna Thaharta nahin kya jaaniye aah

maslahat logon ne wan baiTh ke Thahrai kya

bar mein wo shoKH tha aur sair-e-shab-e-mah thi raat

apne ghar kya kahen thi anjuman-arai kya

par gaya subh se wo ghar to yahi dhaDka hai

dekhen aaj us ka ewaz le shab-e-tanhai kya

dekhne ka jo karun us ke main dawa 'jurat'

mujh mein jurat ye kahan aur meri binai kya

(1264) Peoples Rate This

Your Thoughts and Comments

Kaun Dekhega Bhala IsMein Hai Ruswai Kya In English By Famous Poet Jurat Qalandar Bakhsh. Kaun Dekhega Bhala IsMein Hai Ruswai Kya is written by Jurat Qalandar Bakhsh. Read famous Poem Kaun Dekhega Bhala IsMein Hai Ruswai Kya for youth and Student by Jurat Qalandar Bakhsh. Free Download Kaun Dekhega Bhala IsMein Hai Ruswai Kya in PDF.