Kis Ja Na Be-qarari Se Main KHasta-tan Gaya

kis ja na be-qarari se main KHasta-tan gaya

par dekhne ka us ke kahin Dhab na ban gaya

kis kis tarah ki ki KHafagi dil ne mujh se aah

ruTha kisi ka yar kisi se jo man gaya

yaro jahan mein ab kahin dekhi wafa ki chaal

jaane do ye na zikr karo wo chalan gaya

sausan zaban nikale jo nikli to zer-e-KHak

kya jaaniye ki kaun ye tishna-dahan gaya

ai ishq sach to ye hai ki shirin ne kuchh na ki

hasrat ka koh dil pe liye kohkan gaya

bas naseha ye tir-e-malamat kahan talak

baaton se teri aah kaleja to chhan gaya

kal us sanam ke kuche se nikla jo shaiKH-e-waqt

kahte the sab idhar se ajab barhaman gaya

paida ye hijr-e-yar mein wahshat hui ki aah

is dil ka wasl mein bhi na diwana-pan gaya

hairan hai tujh ko dekh ke 'jurat' meri to aql

do chaar din mein kya ye tera haal ban gaya

(476) Peoples Rate This

Your Thoughts and Comments

Kis Ja Na Be-qarari Se Main KHasta-tan Gaya In English By Famous Poet Jurat Qalandar Bakhsh. Kis Ja Na Be-qarari Se Main KHasta-tan Gaya is written by Jurat Qalandar Bakhsh. Read famous Poem Kis Ja Na Be-qarari Se Main KHasta-tan Gaya for youth and Student by Jurat Qalandar Bakhsh. Free Download Kis Ja Na Be-qarari Se Main KHasta-tan Gaya in PDF.