Raat Kya Kya Mujhe Malal Na Tha

raat kya kya mujhe malal na tha

KHwab ka to kahin KHayal na tha

aaj kya jaane kya hua hum ko

kal bhi aisa to ji niDhaal na tha

bole sab dekh meri jaan-kawi

ye to farhad ka bhi haal na tha

jab talak hum na chahte the tujhe

tab tak aisa tera jamal na tha

ab to dil lag gaya hai kyun ki na aaen

pahle kahte to kuchh muhaal na tha

Tal gaya dekh yun tera abru

ki goya charKH par hilal na tha

Tuk na Thahra mere wo pas aa kar

kuchh tamasha tha ye visal na tha

dekh shab apne rashk-e-laila ko

dang tha main to mujh mein haal na tha

sun ke bola tamam qissa-e-qais

ishq ka us ko bhi kamal na tha

itna roya lahu tu kab 'jurat'

abhi daman tera to lal na tha

(489) Peoples Rate This

Your Thoughts and Comments

Raat Kya Kya Mujhe Malal Na Tha In English By Famous Poet Jurat Qalandar Bakhsh. Raat Kya Kya Mujhe Malal Na Tha is written by Jurat Qalandar Bakhsh. Read famous Poem Raat Kya Kya Mujhe Malal Na Tha for youth and Student by Jurat Qalandar Bakhsh. Free Download Raat Kya Kya Mujhe Malal Na Tha in PDF.