Sab Kahte Hain Dekh Usko Sar-e-rah Zamin Par
sab kahte hain dekh us ko sar-e-rah zamin par
kis rah se aaya ye utar mah zamin par
bimar ki tere to kahani hai baDi par
qissa hai ab ek dam mein hi kotah zamin par
tu chhat pe chaDha us ke hai aisa ki bas aaKHir
chhoDegi utarwa ke teri chah zamin par
ye wo dil-e-muztar hai ki jun barq-e-tapida
gahe ba-falak aae nazar gah zamin par
kuchh soch ke bas kanpne lagta hun main 'jurat'
paDta hai qadam zor se jab aah zamin par
Jurat Qalandar Bakhsh 
(783) Peoples Rate This