Tegh-e-barran Nikalo Sahab

tegh-e-barran nikalo sahab

dil ke arman nikalo sahab

ghar se rakhte ho qadam kyun bahar

na meri jaan nikalo sahab

dekh rahne se KHafa ho to meri

chashm-e-hairan nikalo sahab

hai ye nasur-e-jigar ki batti

tum na paikan nikalo sahab

rahne do ghar mein na mujh par nahaq

rakh ke bohtan nikalo sahab

bar aghyar ko KHalwat mein na do

hain bad insan, nikalo sahab

hai meri tarah tumhaara kahin dhyan

dil se ye dhyan nikalo sahab

gali nahaq na kisi ke haq mein

munh se har aan nikalo sahab

hae ye ranjish-e-beja dil se

kisi unwan nikalo sahab

sar-e-bazar na baiTha karo tum

kuchh to ab shan nikalo sahab

garm-bazari ki KHatir sar-e-rah

tum na dukan nikalo sahab

hasrat-e-wasl hai 'jurat' ko kamal

lo ye arman nikalo sahab

(479) Peoples Rate This

Your Thoughts and Comments

Tegh-e-barran Nikalo Sahab In English By Famous Poet Jurat Qalandar Bakhsh. Tegh-e-barran Nikalo Sahab is written by Jurat Qalandar Bakhsh. Read famous Poem Tegh-e-barran Nikalo Sahab for youth and Student by Jurat Qalandar Bakhsh. Free Download Tegh-e-barran Nikalo Sahab in PDF.