Ulfat Se Ho KHak Hum Ko Lahna

ulfat se ho KHak hum ko lahna

qismat mein to hai azab sahna

dhyan us ke mein hum ko sar-ba-zanu

aankhen kiye band baiThe rahna

munh chahiye chahne ko yun ji

kya tum ne kaha ye phir to kahna

allah-re sadgi ka aalam

darkar nahin kuchh us ko gahna

kar band na ashk-e-chashm-e-tar ko

behtar nasur ka hai bahna

qaem rahe kya imarat-e-dil

buniyaad mein to paDa hai Dhahna

shab ghar jo raha mere wo mehman

tha subh ye kis ada se kahna

taqat na rahi badan mein he he

qurban kiya tha yan ka rahna

dil ne bhi diya na sath 'jurat'

kya dosh kisi ko dije lahna

(622) Peoples Rate This

Your Thoughts and Comments

Ulfat Se Ho KHak Hum Ko Lahna In English By Famous Poet Jurat Qalandar Bakhsh. Ulfat Se Ho KHak Hum Ko Lahna is written by Jurat Qalandar Bakhsh. Read famous Poem Ulfat Se Ho KHak Hum Ko Lahna for youth and Student by Jurat Qalandar Bakhsh. Free Download Ulfat Se Ho KHak Hum Ko Lahna in PDF.