Yaad Aata Hai To Kya Phirta Hun Ghabraya Hua

yaad aata hai to kya phirta hun ghabraya hua

champai rang us ka aur jauban wo gadraya hua

baat hi awwal to wo karta nahin mujh se kabhi

aur jo bole hai kuchh munh se to sharmaya hua

ja ke phir aaun na jaun us gali mein dauD dauD

par karun kya main nahin phirta hai dal aaya hua

be-sabab jo mujh se hai wo shola-KHu sargarm-e-jang

main to hairan hun ki ye kis ka hai bhaDkaya hua

wo kare azm-e-safar to kijiye duniya se kuch

ye irada hum ne bhi dil mein hai Thahraya hua

nok-e-mizhgan par dil-e-pazh-murda hai yun sar-nigun

shaKH se jhuk aae hai jun phul murjhaya hua

jaun jaun kya lagaya hai miyan baiThe raho

hun main apni zist se aage hi uktaya hua

teri duri se ye haalat ho gai apni ki aah

an-qarib-e-marg har ek apna ham-saya hua

kya kahen ab ishq kya kya hum se karta hai suluk

dil pe be-tabi ka ek pyaada hai biThlaya hua

hai qalaq se dil ki ye haalat meri ab tu ki main

chaar-su phirta hun apne ghar mein ghabraya hua

chupke chupke apne apne dil mein sab kahte hain log

kya bala wahshat hui hai is ko ya saya hua

hukm bar-e-majlis ab 'jurat' ko bhi ho jae ji

ye bichaara kab se darwaze pe hai aaya hua

(843) Peoples Rate This

Your Thoughts and Comments

Yaad Aata Hai To Kya Phirta Hun Ghabraya Hua In English By Famous Poet Jurat Qalandar Bakhsh. Yaad Aata Hai To Kya Phirta Hun Ghabraya Hua is written by Jurat Qalandar Bakhsh. Read famous Poem Yaad Aata Hai To Kya Phirta Hun Ghabraya Hua for youth and Student by Jurat Qalandar Bakhsh. Free Download Yaad Aata Hai To Kya Phirta Hun Ghabraya Hua in PDF.