کب کوئی تجھ سا آئینہ رو یاں ہے دوسرا

کب کوئی تجھ سا آئینہ رو یاں ہے دوسرا

ہے تو ترا ہی عکس نمایاں ہے دوسرا

پوچھ اس کی مت خبر جسے ناصح سیے تھا تو

وہ دھجیاں اڑا یہ گریباں ہے دوسرا

شکل ان کی یہ ہے جو کہ ہیں محو جمال یار

ششدر کھڑا ہے ایک تو حیراں ہے دوسرا

رخ اس کا دیکھیو شب مہتاب میں کوئی

گویا زمیں پہ یہ مہ تاباں ہے دوسرا

کیا دل جگر کی کہیے تمنائے وصل میں

حسرت بھرا ہے ایک پر ارماں ہے دوسرا

وادیٔ عشق میں ہمیں برسوں یوں ہی کٹے

اک دشت طے کیا کہ بیاباں ہے دوسرا

تیرے خرام ناز کے صدقے کہ کب کوئی

ایسا چمن میں سرو خراماں ہے دوسرا

غم خوار و مونس اب ترے بیمار کے ہیں یوں

تسکین ایک دے تو ہراساں ہے دوسرا

جرأتؔ غزل پڑھ اور اک ایسی کہ سب کہیں

کب اس طرح کا کوئی غزل خواں ہے دوسرا

(957) ووٹ وصول ہوئے

Your Thoughts and Comments

Kab Koi Tujh Sa Aaina-ru Yan Hai Dusra In Urdu By Famous Poet Jurat Qalandar Bakhsh. Kab Koi Tujh Sa Aaina-ru Yan Hai Dusra is written by Jurat Qalandar Bakhsh. Enjoy reading Kab Koi Tujh Sa Aaina-ru Yan Hai Dusra Poem on Inspiration for Students, Youth, Girls and Boys by Jurat Qalandar Bakhsh. Free Dowlonad Kab Koi Tujh Sa Aaina-ru Yan Hai Dusra by Jurat Qalandar Bakhsh in PDF.