Tum Se Rah-o-rasm BaDha Kar Diwane Kahlaen Kyun

tum se rah-o-rasm baDha kar diwane kahlaen kyun

jin galiyon mein patthar barsen un galiyon mein jaen kyun

waise hi tarik bahut hain lamhe gham ki raaton ke

phir mere KHwabon mein yaro wo gesu lahraen kyun

majburon ki is basti mein kis se puchhen kaun batae

apna mohalla bhul gai hain be-chaari lailaen kyun

mustaqbil se aas bahut hai mustaqil kaisa bhi ho

mazi kis ke kaam aaya hai mazi ko dohraen kyun

han hum ne bhi aaj kisi ka nazuk sa dil toDa hai

shahr-e-wafa ki rasm yahi hai hum is par sharmaen kyun

khiDki khiDki sannaTa hai chilman chilman tanhai

chahat ki mahfil mein ab hum naqd-e-dil-o-jaan laen kyun

wadon ke jangal mein 'azar' hum to barson bhaTke hain

aap karen kyun dil pe bharosa aap ye dhoka khaen kyun

(481) Peoples Rate This

Your Thoughts and Comments

Tum Se Rah-o-rasm BaDha Kar Diwane Kahlaen Kyun In English By Famous Poet Kafeel Aazar Amrohvi. Tum Se Rah-o-rasm BaDha Kar Diwane Kahlaen Kyun is written by Kafeel Aazar Amrohvi. Read famous Poem Tum Se Rah-o-rasm BaDha Kar Diwane Kahlaen Kyun for youth and Student by Kafeel Aazar Amrohvi. Free Download Tum Se Rah-o-rasm BaDha Kar Diwane Kahlaen Kyun in PDF.