تیرا چہرہ صبح کا تارا لگتا ہے

تیرا چہرہ صبح کا تارا لگتا ہے

صبح کا تارا کتنا پیارا لگتا ہے

تم سے مل کر املی میٹھی لگتی ہے

تم سے بچھڑ کر شہد بھی کھارا لگتا ہے

رات ہمارے ساتھ تو جاگا کرتا ہے

چاند بتا تو کون ہمارا لگتا ہے

کس کو خبر یہ کتنی قیامت ڈھاتا ہے

یہ لڑکا جو اتنا بیچارہ لگتا ہے

تتلی چمن میں پھول سے لپٹی رہتی ہے

پھر بھی چمن میں پھول کنوارا لگتا ہے

کیفؔ وہ کل کا کیفؔ کہاں ہے آج میاں

یہ تو کوئی وقت کا مارا لگتا ہے

(853) ووٹ وصول ہوئے

Your Thoughts and Comments

Tera Chehra Subh Ka Tara Lagta Hai In Urdu By Famous Poet Kaif Bhopali. Tera Chehra Subh Ka Tara Lagta Hai is written by Kaif Bhopali. Enjoy reading Tera Chehra Subh Ka Tara Lagta Hai Poem on Inspiration for Students, Youth, Girls and Boys by Kaif Bhopali. Free Dowlonad Tera Chehra Subh Ka Tara Lagta Hai by Kaif Bhopali in PDF.