ساحل پہ اب چراغ فروزاں ہوئے تو کیا

ساحل پہ اب چراغ فروزاں ہوئے تو کیا

غرقاب ہم کو کر کے یہ ساماں ہوئے تو کیا

بے رنگ و بو ہے دامن اہل چمن ابھی

قطرے لہو کے صرف بہاراں ہوئے تو کیا

بے کار ہے بہار جو آئے نہ وقت پر

گر میرے بعد عیش کے ساماں ہوئے تو کیا

ہم بت کدہ میں رہ کے بھی ایماں پرست ہیں

واعظ حرم میں رہ کے مسلماں ہوئے تو کیا

گر لا علاج ہو گیا درد دل فگار

پھر چارہ ساز مائل درماں ہوئے تو کیا

ماتھے پہ تو کلنک کا ٹیکہ ہے آج تک

ہم کو مٹا کے لوگ نمایاں ہوئے تو کیا

خوابیدہ اب بھی نظریں ہیں بے حس ہے اب بھی دل

نا آشنائے سوز غزل خواں ہوئے تو کیا

دامن سے خون دل کو بنانا تھا رشک گل

منت کش بہار گلستاں ہوئے تو کیا

کشفیؔ مٹا سکے نہ مگر ظلمت نصیب

آنسو ہمارے زینت مژگاں ہوئے تو کیا

(728) ووٹ وصول ہوئے

Your Thoughts and Comments

Sahil Pe Ab Charagh Farozan Hue To Kya In Urdu By Famous Poet Kashfi Lucknavi. Sahil Pe Ab Charagh Farozan Hue To Kya is written by Kashfi Lucknavi. Enjoy reading Sahil Pe Ab Charagh Farozan Hue To Kya Poem on Inspiration for Students, Youth, Girls and Boys by Kashfi Lucknavi. Free Dowlonad Sahil Pe Ab Charagh Farozan Hue To Kya by Kashfi Lucknavi in PDF.