Jo Ashk Bach Gae Unhen Lata Hun Kaam Mein
jo ashk bach gae unhen lata hun kaam mein
thoDi si dhup rose milata hun sham mein
basti mein ek charagh ke jalne se raat bhar
kya kya KHalal paDa hai sitaron ke kaam mein
ek shaKHs apni zat ki tamir chhoD kar
masruf aaj-kal hai mere inhidam mein
mujh ko bhi is gali mein mohabbat kisi se thi
ab nam kya bataun rakha kya hai nam mein
'kashif' husain dasht mein jitne bhi din raha
baiTha nahin ghubar mere ehtiram mein
(671) Peoples Rate This