دست بردار زندگی سے ہوا

دست بردار زندگی سے ہوا

اور یہ سودا مری خوشی سے ہوا

آگہی بھی نہ کر سکی پورا

جتنا نقصان آگہی سے ہوا

میں ہوا بھی تو ایک دن روشن

اپنے اندر کی روشنی سے ہوا

زندگی میں کسک ضروری تھی

یہ خلا پر تری کمی سے ہوا

دل طرفدار ہجر تھا ہی نہیں

اب ہوا بھی تو بے دلی سے ہوا

شور جتنا ہے کائنات میں شور

میرے اندر کی خامشی سے ہوا

کیسا منصب ہے آدمی کا کہ رب

جب مخاطب ہوا اسی سے ہوا

پیڑ ہو یا کہ آدمی غائرؔ

سر بلند اپنی عاجزی سے ہوا

(863) ووٹ وصول ہوئے

Your Thoughts and Comments

Dast-bardar Zindagi Se Hua In Urdu By Famous Poet Kashif Husain Ghair. Dast-bardar Zindagi Se Hua is written by Kashif Husain Ghair. Enjoy reading Dast-bardar Zindagi Se Hua Poem on Inspiration for Students, Youth, Girls and Boys by Kashif Husain Ghair. Free Dowlonad Dast-bardar Zindagi Se Hua by Kashif Husain Ghair in PDF.