Wafa Kar Ke Us Ka Sila Chahta Hun
wafa kar ke us ka sila chahta hun
baDa na-saza hun saza chahta hun
buton ko barae KHuda chahta hun
sar-e-KHam dil-e-mubtala chahta hun
raha umr bhar chup main yun un ke aage
ki jaise kuchh un se kaha chahta hun
satae bhi koi to pae duaen
gada hun main sab ka bhala chahta hun
bhulata hun phir bhi wo yaad aa rahe hain
wahi chahte hain main kya chahta hun
Khwaja Aziz-ul-Hasan Majzuub 
(692) Peoples Rate This