Husn Ko Mutlaqan Nahin Hai Sabaat
husn ko mutlaqan nahin hai sabaat
ishq aaya hai pi kar aab-e-hayat
hijr mein yun guzarte hain lamhat
ek nafas maut hai to ek hayat
ishq hai mishal-e-nazar warna
zindagi kya hai ek andheri raat
aql ki istiqamaten taslim
laghzish-e-be-KHudi bhi hai ek baat
maut hai zindagi se be-zari
zindagi kya hai aarzu-e-hayat
KHuld-parwar hai har nigah-e-sahar
ye KHat-e-jam hai ki rah-e-najat
Kunwar Mahendra Singh Bedi Sahar 
(421) Peoples Rate This