KHizan Mein Bhi Bahaar-e-jawedan Malum Hoti Hai

KHizan mein bhi bahaar-e-jawedan malum hoti hai

jawani ho to phir har shai jawan malum hoti hai

yahan malum hoti hai wahan malum hoti hai

KHalish dil ki kahan hai aur kahan malum hoti hai

jafa un ki wafa meri wafa meri jafa un ki

mohabbat dastan-dar-dastan malum hoti hai

asiran-e-qafas hain hum se puchho qadr-e-azadi

ki ab bijli bhi shaKH-e-ashiyan malum hoti hai

ye mana ishq mein sabr o sukun se kuchh nahin hasil

magar aah-o-fughan bhi raegan malum hoti hai

payam-e-ishq dete hain wo jab nazron hi nazron mein

wo ek saat hayat-e-jawedan malum hoti hai

latafat ishq ki hai mana-e-nazzara-e-surat

mohabbat KHud hijab-e-darmiyan malum hoti hai

baDi mushkil se samjhe hain shahid-e-ishq ka mansab

'sahar' ab zindagi bar-e-giran malum hoti hai

(344) Peoples Rate This

Your Thoughts and Comments

KHizan Mein Bhi Bahaar-e-jawedan Malum Hoti Hai In English By Famous Poet Kunwar Mahendra Singh Bedi Sahar. KHizan Mein Bhi Bahaar-e-jawedan Malum Hoti Hai is written by Kunwar Mahendra Singh Bedi Sahar. Read famous Poem KHizan Mein Bhi Bahaar-e-jawedan Malum Hoti Hai for youth and Student by Kunwar Mahendra Singh Bedi Sahar. Free Download KHizan Mein Bhi Bahaar-e-jawedan Malum Hoti Hai in PDF.