Subh Ko Nikla Tha Garche Karr-o-farr Se Aaftab

subh ko nikla tha garche karr-o-farr se aaftab

munh phiraya ho KHajil us ishwa-gar se aaftab

aasman par gar gire barq-e-nigah-e-tund-bar

abr mein rah jae chhup kar us ke Dar se aaftab

gar naqab apni ulaT de wo ruKH-e-tabinda se

gir paDe betab ho kar charKH par se aaftab

dil mein jab se dekhta hai wo teri taswir ko

nur barsata hai apni chashm-e-tar se aaftab

haibat-e-shah-e-dakan se 'shad' ye shohra hai aaj

kanpta nikla kare jeb-e-sahar se aaftab

(424) Peoples Rate This

Related Poetry

Your Thoughts and Comments

Subh Ko Nikla Tha Garche Karr-o-farr Se Aaftab In English By Famous Poet Maharaj Sir Kishan Parashad Shad. Subh Ko Nikla Tha Garche Karr-o-farr Se Aaftab is written by Maharaj Sir Kishan Parashad Shad. Read famous Poem Subh Ko Nikla Tha Garche Karr-o-farr Se Aaftab for youth and Student by Maharaj Sir Kishan Parashad Shad. Free Download Subh Ko Nikla Tha Garche Karr-o-farr Se Aaftab in PDF.