Mere Aasman Ke Chand Ko KHabar Do

ajib uljhan si raha karti hai in dinon mujh ko

mere aasman ke chand ko KHabar do

yunhi der tak raat raat bhar jagti hun

tare ginti hon yaaden jama karti hun

aur subh hone tak sab bhul jati hun

be-kar sochen ghere rahti hain hama-waqt mujh ko

mere aasman ke chand ko KHabar do

suiT pasand karne dukan par jati hun

bahut se kapDe leti hun muskuraati hun

ghar aa kar jun hi use sochti hun

apne KHaride hue suiT udas kar dete hain mujh ko

mere aasman ke chand ko KHabar do

khiDki kholti hun band karti hun

barha siDhiyon tak ja ke palaTti hun

kamre mein baiThti hun kabhi Tahalti hun

na jaane kahan gaya milta nahin ab dil mujh ko

mere aasman ke chand ko KHabar do

ji lagta hai is duniya se ub chuka hai

ajib wahshat hai ki har jagah se ayan hai

sans to chalti hai zindagi Thahri ek jagah hai

KHud-kushi ki KHwahish bahut satati hai mujh ko

mere aasman ke chand ko KHabar do

(2734) Peoples Rate This

Your Thoughts and Comments

Mere Aasman Ke Chand Ko KHabar Do In English By Famous Poet Maryam Tasleem Kiyani. Mere Aasman Ke Chand Ko KHabar Do is written by Maryam Tasleem Kiyani. Read famous Poem Mere Aasman Ke Chand Ko KHabar Do for youth and Student by Maryam Tasleem Kiyani. Free Download Mere Aasman Ke Chand Ko KHabar Do in PDF.