Sar-o-gardan Ki Judai Dekho
sar-o-gardan ki judai dekho
tegh-e-qatil ki safai dekho
tegh lachka ke uThai dekho
na muDak jae kalai dekho
mujh se kahta hai lahu mal ke mera
ye mere dast-e-hinai dekho
mahfil-e-yar talak pahunchaya
meri qismat ki rasai dekho
TuT jae na hamari tauba
phir ghaTa charKH pe chhai dekho
main kahan aur kahan rifat-e-arsh
magar aahon ki rasai dekho
kyun bigaDte ho kisi se 'alim'
apni qismat ki burai dekho
Mirza Altaf Husain Alam Lucknwi 
(316) Peoples Rate This