ہے کس قدر ہلاک فریب وفائے گل

ہے کس قدر ہلاک فریب وفائے گل

بلبل کے کاروبار پہ ہیں خندہ ہائے گل

آزادی نسیم مبارک کہ ہر طرف

ٹوٹے پڑے ہیں حلقۂ دام ہوائے گل

جو تھا سو موج رنگ کے دھوکے میں مر گیا

اے واے نالۂ لب خونیں نوائے گل

خوش حال اس حریف سیہ مست کا کہ جو

رکھتا ہو مثل سایۂ گل سر بہ پائے گل

ایجاد کرتی ہے اسے تیرے لیے بہار

میرا رقیب ہے نفس عطر سائے گل

شرمندہ رکھتے ہیں مجھے باد بہار سے

مینائے بے شراب و دل بے ہوائے گل

سطوت سے تیرے جلوۂ حسن غیور کی

خوں ہے مری نگاہ میں رنگ ادائے گل

تیرے ہی جلوہ کا ہے یہ دھوکا کہ آج تک

بے اختیار دوڑے ہے گل در قفائے گل

غالبؔ مجھے ہے اس سے ہم آغوشی آرزو

جس کا خیال ہے گل جیب قبائے گل

دیوانگاں کا چارہ فروغ بہار ہے

ہے شاخ گل میں پنجۂ خوباں بجائے گل

مژگاں تلک رسائی لخت جگر کہاں

اے وائے گر نگاہ نہ ہو آشنائے گل

(1273) ووٹ وصول ہوئے

Your Thoughts and Comments

Hai Kis Qadar Halak-e-fareb-e-wafa-e-gul In Urdu By Famous Poet Mirza Ghalib. Hai Kis Qadar Halak-e-fareb-e-wafa-e-gul is written by Mirza Ghalib. Enjoy reading Hai Kis Qadar Halak-e-fareb-e-wafa-e-gul Poem on Inspiration for Students, Youth, Girls and Boys by Mirza Ghalib. Free Dowlonad Hai Kis Qadar Halak-e-fareb-e-wafa-e-gul by Mirza Ghalib in PDF.