نالہ جز حسن طلب اے ستم ایجاد نہیں

نالہ جز حسن طلب اے ستم ایجاد نہیں

ہے تقاضائے جفا شکوۂ بیداد نہیں

عشق و مزدوری عشرت گہ خسرو کیا خوب

ہم کو تسلیم نکو نامی فرہاد نہیں

کم نہیں وہ بھی خرابی میں پہ وسعت معلوم

دشت میں ہے مجھے وہ عیش کہ گھر یاد نہیں

اہل بینش کو ہے طوفان حوادث مکتب

لطمۂ موج کم از سیلئ استاد نہیں

وائے محرومی تسلیم و بدا حال وفا

جانتا ہے کہ ہمیں طاقت فریاد نہیں

رنگ تمکین گل و لالہ پریشاں کیوں ہے

گر چراغان سر رہ گزر باد نہیں

سبد گل کے تلے بند کرے ہے گلچیں

مژدہ اے مرغ! کہ گلزار میں صیاد نہیں

نفی سے کرتی ہے اثبات تراوش گویا

دی ہے جائے دہن اس کو دم ایجاد نہیں

کم نہیں جلوہ گری میں، ترے کوچے سے بہشت

یہی نقشہ ہے ولے اس قدر آباد نہیں

کرتے کس منہ سے ہو غربت کی شکایت غالبؔ

تم کو بے مہری یاران وطن یاد نہیں

(1587) ووٹ وصول ہوئے

Your Thoughts and Comments

Nala Juz Husn-e-talab Ai Sitam-ijad Nahin In Urdu By Famous Poet Mirza Ghalib. Nala Juz Husn-e-talab Ai Sitam-ijad Nahin is written by Mirza Ghalib. Enjoy reading Nala Juz Husn-e-talab Ai Sitam-ijad Nahin Poem on Inspiration for Students, Youth, Girls and Boys by Mirza Ghalib. Free Dowlonad Nala Juz Husn-e-talab Ai Sitam-ijad Nahin by Mirza Ghalib in PDF.