پھر مجھے دیدۂ تر یاد آیا

پھر مجھے دیدۂ تر یاد آیا

دل جگر تشنۂ فریاد آیا

دم لیا تھا نہ قیامت نے ہنوز

پھر ترا وقت سفر یاد آیا

سادگی ہائے تمنا یعنی

پھر وہ نیرنگ نظر یاد آیا

عذر واماندگی اے حسرت دل

نالہ کرتا تھا جگر یاد آیا

زندگی یوں بھی گزر ہی جاتی

کیوں ترا راہ گزر یاد آیا

کیا ہی رضواں سے لڑائی ہوگی

گھر ترا خلد میں گر یاد آیا

آہ وہ جرأت فریاد کہاں

دل سے تنگ آ کے جگر یاد آیا

پھر ترے کوچہ کو جاتا ہے خیال

دل گم گشتہ مگر یاد آیا

کوئی ویرانی سی ویرانی ہے

دشت کو دیکھ کے گھر یاد آیا

میں نے مجنوں پہ لڑکپن میں اسدؔ

سنگ اٹھایا تھا کہ سر یاد آیا

وصل میں ہجر کا ڈر یاد آیا

عین جنت میں سقر یاد آیا

(1360) ووٹ وصول ہوئے

Your Thoughts and Comments

Phir Mujhe Dida-e-tar Yaad Aaya In Urdu By Famous Poet Mirza Ghalib. Phir Mujhe Dida-e-tar Yaad Aaya is written by Mirza Ghalib. Enjoy reading Phir Mujhe Dida-e-tar Yaad Aaya Poem on Inspiration for Students, Youth, Girls and Boys by Mirza Ghalib. Free Dowlonad Phir Mujhe Dida-e-tar Yaad Aaya by Mirza Ghalib in PDF.