رفتار عمر قطع رہ اضطراب ہے

رفتار عمر قطع رہ اضطراب ہے

اس سال کے حساب کو برق آفتاب ہے

میناے مے ہے سرو نشاط بہار سے

بال تدرو جلوۂ موج شراب ہے

زخمی ہوا ہے پاشنہ پاۓ ثبات کا

نے بھاگنے کی گوں نہ اقامت کی تاب ہے

جاداد بادہ نوشی رنداں ہے شش جہت

غافل گماں کرے ہے کہ گیتی خراب ہے

نظارہ کیا حریف ہو اس برق حسن کا

جوش بہار جلوے کو جس کے نقاب ہے

میں نامراد دل کی تسلی کو کیا کروں

مانا کہ تیرے رخ سے نگہ کامیاب ہے

گزرا اسدؔ مسرت پیغام یار سے

قاصد پہ مجھ کو رشک سوال و جواب ہے

ظاہر ہے طرز قید سے صیاد کی غرض

جو دانہ دام میں ہے سو اشک کباب ہے

بے چشم دل نہ کر ہوس سیر لالہ زار

یعنی یہ ہر ورق ورق انتخاب ہے

(1306) ووٹ وصول ہوئے

Your Thoughts and Comments

Raftar-e-umr Qat-e-rah-e-iztirab Hai In Urdu By Famous Poet Mirza Ghalib. Raftar-e-umr Qat-e-rah-e-iztirab Hai is written by Mirza Ghalib. Enjoy reading Raftar-e-umr Qat-e-rah-e-iztirab Hai Poem on Inspiration for Students, Youth, Girls and Boys by Mirza Ghalib. Free Dowlonad Raftar-e-umr Qat-e-rah-e-iztirab Hai by Mirza Ghalib in PDF.