رہا گر کوئی تا قیامت سلامت

رہا گر کوئی تا قیامت سلامت

پھر اک روز مرنا ہے حضرت سلامت!

جگر کو مرے عشق خوں نابہ مشرب

لکھے ہے خداوند نعمت سلامت

علی الرغم دشمن شہید وفا ہوں

مبارک مبارک سلامت سلامت

نہیں گر سر و برگ ادراک معنی

تماشاۓ نیرنگ صورت سلامت

دو عالم کی ہستی پہ خط فنا کھینچ

دل و دست ارباب ہمت سلامت

نہیں گر بہ کام دل خستہ گردوں

جگر خائی جوش حسرت سلامت

نہ اوروں کی سنتا نہ کہتا ہوں اپنی

سر خستہ دشوار وحشت سلامت

وفور بلا ہے ہجوم وفا ہے

سلامت ملامت ملامت سلامت

نہ فکر سلامت نہ بیم ملامت

ز خود رفتگی‌ ہائے حیرت سلامت

رہے غالبؔ خستہ مغلوب گردوں

یہ کیا بے نیازی ہے حضرت سلامت

(1271) ووٹ وصول ہوئے

Your Thoughts and Comments

Raha Gar Koi Ta-qayamat Salamat In Urdu By Famous Poet Mirza Ghalib. Raha Gar Koi Ta-qayamat Salamat is written by Mirza Ghalib. Enjoy reading Raha Gar Koi Ta-qayamat Salamat Poem on Inspiration for Students, Youth, Girls and Boys by Mirza Ghalib. Free Dowlonad Raha Gar Koi Ta-qayamat Salamat by Mirza Ghalib in PDF.