Naseh Ye Nasihat Na Suna Main Nahin Sunta

naseh ye nasihat na suna main nahin sunta

bak bak ke mera maghz na kha main nahin sunta

ahwal mera dhyan se sunta tha wa-lekin

kuchh baat jo samjha to kaha main nahin sunta

us but ne jo ghairon pe kya lutf to yaro

mujh se na kaho bahr-e-KHuda main nahin sunta

kuchh zikr mein zikr apna main laya to wo bola

bas baat ko itna na baDha main nahin sunta

shikwa se hi karta jo koi us se mera zikr

tu kahta hai har ek ka gila main nahin sunta

'mehnat' ko hai ye zoaf ki kuchh apni haqiqat

kahta hai wo mujh se to zara main nahin sunta