اب کے بارش میں تو یہ کار زیاں ہونا ہی تھا

اب کے بارش میں تو یہ کار زیاں ہونا ہی تھا

اپنی کچی بستیوں کو بے نشاں ہونا ہی تھا

کس کے بس میں تھا ہوا کی وحشتوں کو روکنا

برگ گل کو خاک شعلے کو دھواں ہونا ہی تھا

جب کوئی سمت سفر طے تھی نہ حد رہ گزر

اے مرے رہ رو سفر تو رائیگاں ہونا ہی تھا

مجھ کو رکنا تھا اسے جانا تھا اگلے موڑ تک

فیصلہ یہ اس کے میرے درمیاں ہونا ہی تھا

چاند کو چلنا تھا بہتی سیپیوں کے ساتھ ساتھ

معجزہ یہ بھی تہہ آب رواں ہونا ہی تھا

میں نئے چہروں پہ کہتا تھا نئی غزلیں سدا

میری اس عادت سے اس کو بد گماں ہونا ہی تھا

شہر سے باہر کی ویرانی بسانا تھی مجھے

اپنی تنہائی پہ کچھ تو مہرباں ہونا ہی تھا

اپنی آنکھیں دفن کرنا تھیں غبار خاک میں

یہ ستم بھی ہم پہ زیر آسماں ہونا ہی تھا

بے صدا بستی کی رسمیں تھیں یہی محسنؔ مرے

میں زباں رکھتا تھا مجھ کو بے زباں ہونا ہی تھا

(254) ووٹ وصول ہوئے

Your Thoughts and Comments

Ab Ke Barish Mein To Ye Kar-e-ziyan Hona Hi Tha In Urdu By Famous Poet Mohsin Naqvi. Ab Ke Barish Mein To Ye Kar-e-ziyan Hona Hi Tha is written by Mohsin Naqvi. Enjoy reading Ab Ke Barish Mein To Ye Kar-e-ziyan Hona Hi Tha Poem on Inspiration for Students, Youth, Girls and Boys by Mohsin Naqvi. Free Dowlonad Ab Ke Barish Mein To Ye Kar-e-ziyan Hona Hi Tha by Mohsin Naqvi in PDF.