جب ہجر کے شہر میں دھوپ اتری میں جاگ پڑا تو خواب ہوا

جب ہجر کے شہر میں دھوپ اتری میں جاگ پڑا تو خواب ہوا

مری سوچ خزاں کی شاخ بنی ترا چہرہ اور گلاب ہوا

برفیلی رت کی تیز ہوا کیوں جھیل میں کنکر پھینک گئی

اک آنکھ کی نیند حرام ہوئی اک چاند کا عکس خراب ہوا

ترے ہجر میں ذہن پگھلتا تھا ترے قرب میں آنکھیں جلتی ہیں

تجھے کھونا ایک قیامت تھا ترا ملنا اور عذاب ہوا

بھرے شہر میں ایک ہی چہرہ تھا جسے آج بھی گلیاں ڈھونڈتی ہیں

کسی صبح اسی کی دھوپ کھلی کسی رات وہی مہتاب ہوا

بڑی عمر کے بعد ان آنکھوں میں کوئی ابر اترا تری یادوں کا

مرے دل کی زمیں آباد ہوئی مرے غم کا نگر شاداب ہوا

کبھی وصل میں محسنؔ دل ٹوٹا کبھی ہجر کی رت نے لاج رکھی

کسی جسم میں آنکھیں کھو بیٹھے کوئی چہرہ کھلی کتاب ہوا

(2651) ووٹ وصول ہوئے

Your Thoughts and Comments

Jab Hijr Ke Shahr Mein Dhup Utri Main Jag PaDa To KHwab Hua In Urdu By Famous Poet Mohsin Naqvi. Jab Hijr Ke Shahr Mein Dhup Utri Main Jag PaDa To KHwab Hua is written by Mohsin Naqvi. Enjoy reading Jab Hijr Ke Shahr Mein Dhup Utri Main Jag PaDa To KHwab Hua Poem on Inspiration for Students, Youth, Girls and Boys by Mohsin Naqvi. Free Dowlonad Jab Hijr Ke Shahr Mein Dhup Utri Main Jag PaDa To KHwab Hua by Mohsin Naqvi in PDF.