تمہیں کیا

تمہیں کیا

زندگی جیسی بھی ہے

تم نے اس کے ہر ادا سے رنگ کی موجیں نچوڑی ہیں

تمہیں تو ٹوٹ کر چاہا گیا چہروں کے میلے میں

محبت کی شفق برسی تمہارے خال و خد پر

آئنے چمکے تمہاری دید سے

خوشبو تمہارے پیرہن کی ہر شکن سے

اذن لے کر ہر طرف وحشت لٹاتی تھی

تمہارے چاہنے والوں کے جھرمٹ میں

سبھی آنکھیں تمہارے عارض و لب کی کنیزیں تھیں

تمہیں کیا

تم نے ہر موسم کی شہ رگ میں انڈیلے ذائقے اپنے

تمہیں کیا

تم نے کب سوچا

کہ چہروں سے اٹی دنیا میں تنہا سانس لیتی

ہانپتی راتوں کے بے گھر ہم سفر

کتنی مشقت سے گریبان سحر کے چاک سیتے ہیں

تمہیں کیا

تم نے کب سوچا

کہ تنہائی کے جنگل میں

سیہ لمحوں کی چبھتی کرچیوں سے کون کھیلا ہے

تمہیں کیا

تم نے کب سوچا

کہ چہروں سے اٹی دنیا میں

کس کا دل اکیلا ہے

(2649) ووٹ وصول ہوئے

Your Thoughts and Comments

Tumhein Kya In Urdu By Famous Poet Mohsin Naqvi. Tumhein Kya is written by Mohsin Naqvi. Enjoy reading Tumhein Kya Poem on Inspiration for Students, Youth, Girls and Boys by Mohsin Naqvi. Free Dowlonad Tumhein Kya by Mohsin Naqvi in PDF.