Na Shikwa Lab Tak Aaega Na Nala Dil Se Niklega

na shikwa lab tak aaega na nala dil se niklega

mere zabt-e-mohabbat ka bharam mushkil se niklega

na hasrat dil se niklegi na arman dil se niklega

jo is phande mein phans jaega wo mushkil se niklega

KHuda rakkhe ye pas-e-waza mein tum se bhi baDh kar hai

tumhin aa kar nikaloge to arman dil se niklega

bahut roegi duniya us bashar ki bad-nasibi par

jo dagh-e-arzu le kar teri mahfil se niklega

na khinch ai mehrban sine se mere tir rahne de

nikal jaega dam mera jo paikan dil se niklega

ye maujon ke nahin ai na-KHuda taqdir ke bal hain

safina gharq ho kar daman-e-sahil se niklega

jo dam nikle to meri mushkilen aasan ho jaen

magar ye bhi to mushkil hai ki dam mushkil se niklega

'nasim' achchhi ghazal par dad denge ahl-e-dil dil se

utar jaega dil mein sher jo bhi dil se niklega

(772) Peoples Rate This

Your Thoughts and Comments

Na Shikwa Lab Tak Aaega Na Nala Dil Se Niklega In English By Famous Poet Naseem Noor Mahali. Na Shikwa Lab Tak Aaega Na Nala Dil Se Niklega is written by Naseem Noor Mahali. Read famous Poem Na Shikwa Lab Tak Aaega Na Nala Dil Se Niklega for youth and Student by Naseem Noor Mahali. Free Download Na Shikwa Lab Tak Aaega Na Nala Dil Se Niklega in PDF.