Har Wo Hangama Na-gahan Guzra

har wo hangama na-gahan guzra

do dilon ke jo darmiyan guzra

tum kisi ke nahin zamane mein

hum ko aisa bhi ek guman guzra

jo mohabbat mein hum pe guzra hai

tum pe wo waqt abhi kahan guzra

naqsh-e-pa rasta dikhate hain

kis ki manzil se karwan guzra

dil ki be-tabiyon pe wo chup the

mera hansna unhen garan guzra

kya hua gulistan mein kya malum

is taraf se bhi kuchh dhuan guzra

zaKHm-e-dil muskura rahe hain 'shajia'

shayad ab mausam-e-KHizan guzra

(1195) Peoples Rate This

Your Thoughts and Comments

Har Wo Hangama Na-gahan Guzra In English By Famous Poet Nawab Moazzam Jah Shaji. Har Wo Hangama Na-gahan Guzra is written by Nawab Moazzam Jah Shaji. Read famous Poem Har Wo Hangama Na-gahan Guzra for youth and Student by Nawab Moazzam Jah Shaji. Free Download Har Wo Hangama Na-gahan Guzra in PDF.