Sard Aahon Ne Mere ZaKHmon Ko Aabaad Kiya

sard aahon ne mere zaKHmon ko aabaad kiya

dil ki choTon ne jo rah rah ke tujhe yaad kiya

mehrbani mere sayyaad ki dekhe koi

jab KHizan aai mujhe qaid se aazad kiya

mahfil-e-naz se laya jo yahan tak un ko

tu ne ye kaam ajab ai dil-e-nashad kiya

mai-kashon ne use saqi ka ishaara samjha

jhuk ke shishe ne jo saghar se kuchh irshad kiya

dil-e-betab ko mushkil se sambhaala tha magar

zabt-e-gham ne mujhe aamada-e-fariyaad kiya

kaam jab kuchh na bana ishq ki nakaami se

dard ne aap ko sharminda-e-be-dad kiya

KHud mujhe bhi nahin barbaadi ka ehsas 'shajia'

is saliqe se kisi ne mujhe barbaad kiya

(700) Peoples Rate This

Your Thoughts and Comments

Sard Aahon Ne Mere ZaKHmon Ko Aabaad Kiya In English By Famous Poet Nawab Moazzam Jah Shaji. Sard Aahon Ne Mere ZaKHmon Ko Aabaad Kiya is written by Nawab Moazzam Jah Shaji. Read famous Poem Sard Aahon Ne Mere ZaKHmon Ko Aabaad Kiya for youth and Student by Nawab Moazzam Jah Shaji. Free Download Sard Aahon Ne Mere ZaKHmon Ko Aabaad Kiya in PDF.