پریشاں کرنے والوں کو پریشاں کون دیکھے گا
پریشاں کرنے والوں کو پریشاں کون دیکھے گا
ہمارے بعد یہ رنگ گلستاں کون دیکھے گا
بجز میرے یہ دلچسپی کا ساماں کون دیکھے گا
جلا کر دل کے داغوں کو چراغاں کون دیکھے گا
کسے گلشن سے اتنا عشق ہے میری طرح گلچیں
قفس میں رکھ کے تصویر گلستاں کون دیکھے گا
اسے رنگیں اسے صد چاک ہونا چاہئے ورنہ
ترا دامن مرا چاک گریباں کون دیکھے گا
بجائے ساغر مے تیرے میخانے میں اے ساقی
چلیں جب بوتلیں ہر دم خمستاں کون دیکھے گا
چمن خود باغباں پامال کرتا ہے تو حیرت کیا
چمن تو اس نے دیکھا ہے بیاباں کون دیکھے گا
حکیم وقت ہوں میں ہی اگر گلشن سے اٹھ جاؤں
تو پھر اے باغباں نبض بہاراں کون دیکھے گا
بچا کر اس کو رکھا ہے کلیجے میں کہ پھر تجھ کو
جو چشم آبلہ پھوٹی پشیماں کون دیکھے گا
دعائیں کیوں نہ دوں ہر دم نگاہ ناز قاتل کو
جو یہ نشتر نہ ہو سوئے رگ جاں کون دیکھے گا
غنیمت یہ بھی ہے اس دور میں پھر ورنہ اے ہمدم
جناب برقؔ صاحب سا سخنداں کون دیکھے گا
(497) ووٹ وصول ہوئے
In Urdu By Famous Poet Rahmat Ilahi Barq Aazmi. is written by Rahmat Ilahi Barq Aazmi. Enjoy reading Poem on Inspiration for Students, Youth, Girls and Boys by Rahmat Ilahi Barq Aazmi. Free Dowlonad by Rahmat Ilahi Barq Aazmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends