حیرت پیہم ہوئے خواب سے مہماں ترے

حیرت پیہم ہوئے خواب سے مہماں ترے

رات چراغوں میں کیوں بجھ گئے امکاں ترے

ایک قدم لغزشیں راہ میں آ کر ملیں

روٹھ گئے تجھ سے پھر دشت و بیاباں ترے

عشق کے اندھے خدا حسن کا رستہ دکھا

در پہ ترے آ گئے بے سر و ساماں ترے

نشہ تھا کیسا عجب خواب کہانی میں جب

آنکھ تھی روشن مری نقش تھے عریاں ترے

اک ابدی ہجر کی فصل ہری ہو گئی

بھول گئے وقت کو وعدہ و پیماں ترے

شوق بہار خیال چوم کے چل ڈال ڈال

پھول پریشاں ترے باغ ہیں ویراں ترے