Jo Baat Tujh Mein Hai Teri Taswir Mein Nahin
jo baat tujh mein hai teri taswir mein nahin
rangon mein tera aks Dhala tu na Dhal saki
sanson ki aag jism ki KHushbu na Dhal saki
tujh mein jo loch hai meri tahrir mein nahin
be-jaan husn mein kahan guftar ki ada
inkar ki ada hai na iqrar ki ada
koi lachak bhi zulf-e-girah-gir mein nahin
duniya mein koi chiz nahin hai teri tarah
phir ek bar samne aa ja kisi tarah
kya aur ek jhalak meri taqdir mein nahin
Sahir Ludhianvi 
(2720) Peoples Rate This