Phal Aate Hain Phul TuTte Hain

phal aate hain phul TuTte hain

KHurdon se buzurg chhuTte hain

khulti nahin gul ki bad-mizaji

ghunche nahin munh se phuTte hain

karte hain yahan hasin taraj

nabbash lahad mein luTte hain

hota hai firaq jaan-o-tan mein

buron ke milap chhuTte hain

ek but se moamla darpesh

patthar se nasib phuTte hain

aaseb hain gesuwan-e-mashuq

kab hum se lipaT ke chhuTte hain

dil le ke wo jaan ke hain KHwahan

har pahar ke mujhi ko luTte hain

har-waqt hai koft apne dil ko

rah rah kar sina kuTte hain

KHat paDhta hai mera kya kahun kaun

aghyar ki did se phuTte hain

rone-dhone se faeda 'bahr'

kab sine ke dagh chhuTte hain