Saqi Tere Baghair Hai Mahfil Se Dil UchaT

saqi tere baghair hai mahfil se dil uchaT

so jaise ji udas hai so dil se dil uchaT

su-e-adam phire chale jate hain qafile

sab ham-safar hain zist hai manzil se dil uchaT

jis rose se ki shauq-e-asiri hua mujhe

sayyaad hai shikar-e-anadil se dil uchaT

Thukrae bhi na aa ke lahad fatiha kuja

mar kar hua hun us but-e-qatil se dil uchaT

juz marg kuchh nahin hai tap-e-hijr ka ilaj

hum naqsh chaT kar hue aamil se dil uchaT

kanTon pe misl-e-qais kahan tak rawan-dawan

laila-e-jaan hai jism ki mahmil se dil uchaT

dozaKH mujhe bahisht ke badle qubul hai

aisa hun ek hur-shamail se dil uchaT

jhankar se main chaar-qadam aage jaunga

zindan mein hua jo salasil se dil uchaT

majnun ki chaal laila agar do-qadam chale

tabut dil-pasand ho mahmil se dil uchaT

qatil hamare dil ko taDapta na chhoD ja

ek dam ke waste na ho bismil se dil uchaT

ai 'bahr' yar sath nahin jaiye kahan

gulshan se ji udas hai mahfil se dil uchaT

(522) Peoples Rate This

Your Thoughts and Comments

Saqi Tere Baghair Hai Mahfil Se Dil UchaT In English By Famous Poet Imdad Ali Bahr. Saqi Tere Baghair Hai Mahfil Se Dil UchaT is written by Imdad Ali Bahr. Read famous Poem Saqi Tere Baghair Hai Mahfil Se Dil UchaT for youth and Student by Imdad Ali Bahr. Free Download Saqi Tere Baghair Hai Mahfil Se Dil UchaT in PDF.