ہمارے دل کے آئینے میں ہے تصویر نانک کی

ہمارے دل کے آئینے میں ہے تصویر نانک کی

ہمارے کان کے پردے میں ہے تقریر نانک کی

طریق راست سے ہٹ کر وہ ہرگز جا نہیں سکتا

پڑی ہے پاؤں میں جس شخص کی زنجیر نانک کی

بسر کی عمر اپنی گمرہوں کی رہنمائی میں

یہی تھی روز و شب کوشش بھی اور تدبیر نانک کی

مسخر کر لیا ہر شخص کو پند و نصیحت سے

کوئی افسوں تھا یا تقریر تھی تاثیر نانک کی

کلام پند میں اس کے اثر تھا آب حیواں کا

دل مردہ کو زندہ کرتی تھی تقریر نانک کی

پسند طبع تھی اس کی نصیحت جملہ عالم کو

دہن میں تھی زبان پاک پر تاثیر نانک کی

جھکا دے آستاں پر اس کے تو بھی برقؔ سر اپنا

ہے درویشان کامل میں بڑی توقیر نانک کی

(504) ووٹ وصول ہوئے

Your Thoughts and Comments

In Urdu By Famous Poet Shyam Sunder Lal Barq. is written by Shyam Sunder Lal Barq. Enjoy reading  Poem on Inspiration for Students, Youth, Girls and Boys by Shyam Sunder Lal Barq. Free Dowlonad  by Shyam Sunder Lal Barq in PDF.