اٹھو زمانے کے آشوب کا ازالہ کریں

اٹھو زمانے کے آشوب کا ازالہ کریں

بنام گل بدناں رخ سوئے پیالہ کریں

بیاد دیدۂ مخمور پر پیالہ کریں

اٹھو کہ زہر کا پھر زہر سے ازالہ کریں

وہ رند ہیں نہ اٹھائیں بہار کا احساں

ورود ہم تری خلوت میں بے حوالہ کریں

کہاں کے دیر و حرم آؤ ایک سجدۂ شوق

بپائے ہوش ربایان بست سالہ کریں

برس پڑے جو گلستاں میں اس نظر سے شراب

بہک بہک کے ہم آگے سبوئے لالہ کریں

سبو اٹھا کہ گدایان کوئے مے خانہ

ترے حوالے مہ و مہر کا قبالہ کریں

حدیث زہد ہو یا واردات زہرہ مثال

کسی کے نام کو ہم زیب ہر مقالہ کریں

دکھا صحیفۂ رخ اس طرح کہ اہل بہار

ورق ورق بہ خجالت بیاض لالہ کریں

اٹھو جلا کے مے سرخ سے چراغ ابد

نشاط صحبت شب کو ہزار سالہ کریں

ادا وہ نیچی نگاہوں کی ہے کہ جیسے ظفرؔ

تلاش کنج غزالان خورد سالہ کریں

(1012) ووٹ وصول ہوئے

Your Thoughts and Comments

In Urdu By Famous Poet Sirajuddin Zafar. is written by Sirajuddin Zafar. Enjoy reading  Poem on Inspiration for Students, Youth, Girls and Boys by Sirajuddin Zafar. Free Dowlonad  by Sirajuddin Zafar in PDF.